Меган Маркл ја започна 2025 година со нов профил на Инстаграм, а сега е откриена причината за нејзиното враќање на социјалните мрежи.
По неколкумесечни шпекулации, поранешната актерка и сопруга на принцот Хари ќе започне со сопствено шоу за готвење „Со љубов, Меган“, кое ќе биде достапно на Нетфликс од 15 јануари. Овој проект е дел од нејзината стратегија да се врати во центарот на вниманието, откако ретко се појавуваше во јавноста во текот на 2024 година.
Шоуто за готвење ќе биде поврзано со нејзиниот бренд American Riviera Orchard. Според достапните информации, брендот допрва треба да биде лансиран, а се шпекулира дека би можел да биде насочен кон промоција на храна, готвење или производи за начин на живот со акцент на здравјето, одржливоста и луксузот.
View this post on Instagram
Заедно со нејзините пријатели, во промотивното видео се појави и Хари.
„Бев многу возбудена што ќе го споделам ова со вас! Се надевам дека ќе ви се допадне емисијата во иста мера колку што јас сакав да ја снимам. Ви посакувам на сите фантастична нова година! Благодарност до нашата неверојатна екипа и тимот на Нетфликс. Ние сме неизмерно благодарни за вашата поддршка“, напиша Меган.
