Познатиот актер Леонардо Дикаприо наполни 51 година и организираше прослава за своите пријатели по тој повод. Набрзо, видеа од неговиот роденден ги преплавија социјалните мрежи, а најинтересно меѓу нив е она во кое актерот ужива со италијанската убавица Виторија Черети.
Лео и Виторија (27) уште еднаш потврдија дека сè е во ред меѓу нив, но и дека се позаљубени од кога било.
Во видеото што го сподели Франческа Скорсезе, ќерка на познатиот Мартин Скорсезе, Виторија може да се види како држи торта со свеќи додека сите му пеат роденденска песна.
View this post on Instagram
Водителот Џими Фалон ја отпеа „My Way“ од Френк Синатра, а самиот Лео беше воодушевен од овој настап, со оглед на тоа што ја сними и атмосферата.
Леонардо Дикаприо и моделот Виторија Черети за прв пат беа видени заедно во 2023 година и оттогаш папараците внимателно ги следат. Интересно е и тоа што познатиот Лео го прекрши своето наводно правило, бидејќи порано ги оставаше девојките кога ќе наполнеа 25 години.
фото: принтскрин
