Познатата актерка Хилари Свонк го очекува своето трето дете на 53-годишна возраст, а среќната вест ја сподели на својот профил на Инстаграм.
Хилари Свонк и нејзиниот сопруг, Филип Шнајдер, очекуваат уште едно дете, со што нивното семејство ќе добие нов член. Познатиот пар веќе има близнаци – кои Хилари ги роди на 49-годишна возраст – а таа објави видео на Инстаграм на кое се гледаат таа, нејзиниот сопруг и близнаците како танцуваат во темница, при што нивните тела се исцртани со светлечки стапчиња.
View this post on Instagram
Во еден момент, Хилари се појавува и го покажува својот труднички стомак. Видеото беше придружено со интригантен опис, од кој се навестува дека актерката сака да соопшти оти новото дете треба да пристигне во декември.
„Многу луѓе ме прашуваат на кој проект ќе работам следно. Овој пристигнува во декември“, напиша Хилари, додавајќи емотикони од бебе и срце.
Хилари првпат стана мајка на 49-годишна возраст, кога таа и нејзиниот сопруг, Филип Шнајдер, добија близнаци – ќерката Аја и синот Ом. Таа изјави дека мајчинството ја променило и дека е целосно посветена на своите деца. „Сега сум многу поинаков родител отколку што би била во моите четириесетти. Многу сум потрпелива. Имам многу повеќе разбирање. Позаинтересирана сум отколку што би била порано.
Навистина ме интересира начинот на кој размислуваат, фасцинирана сум од тоа што ги мотивира. Освен тоа, имам веќе изградена кариера, па не сум растргната помеѓу две страни. Можам навистина да им се посветам и активно да учествувам во нивното растење“, објасни таа во едно интервју за „Women’s Health“.
