Познатиот актер Дензел Вашингтон стана хит на интернет откако се појави видео на кое тој се среќава со жена која бара совет од него.

Во видео кое кружи на социјалните мрежи, жена му приоѓа на Дензел, кој во тој момент влегува во њујоршкиот театар. Таа го прашува дали има совет за актери кои не можат да најдат работа. Дензел ја поканува да дојде во театарот со него и ја замолува да го спушти телефонот. После тоа видеото престанува.

Во вториот дел од видеото, Дензел ја прегрнува истата расплакана жена и вели: „Зошто плачеш? Јас сум обичен човек како тебе“.

This woman was following a busy Denzel Washington, complaining about how hard it is to get acting jobs. So, Denzel invited her inside 🙌🏽 pic.twitter.com/ugocVAOfc2

— FearBuck (@FearedBuck) March 4, 2025

„Каков човек“, „Затоа го сакам“, пишуваат воодушевените обожавателите на Дензел, иако сè уште не е јасно што точно излезе од неговиот разговор со жената.

Ова не е прв пат Дензел да дава совети. Неодамна му дал совет и на едно момче од Лондон: „Не можеш да научиш да глумиш онлајн. Мораш да излезеш на сцена. Најди мал театар. Оттаму јас почнав. Ако го сакаш тоа што го имам, направи го тоа што го направив”.

На крајот од разговорот познатиот актер му рекол „Се гледаме на работа“.