Аријана Гранде едвај ги задржа солзите кога водителката и актерка Дру Баримор ја изненади со специјален реквизит од оригиналниот филм „Волшебникот од Оз“. Гранде, која ја игра Глинда во новата филмска адаптација Wicked, неодамна гостуваше во шоуто на Дру Баримор.

„Имам нешто исклучително возбудливо и посебно. Порано му припаѓаше на Смитсонијан“, рече Баримор (49) во најавата за интервјуто, предизвикувајќи изненаден поглед на лицето на Аријана, која праша: „Што зборуваш?“

Водителката продолжи: „Сега е во приватна сопственост, но ни го позајмија за потребите на ова интервју“. Откако Аријана испушти гласна воздишка, Баримор се сврте кон својот тим и рече: „Можете ли да го донесете оригиналното стапче на Глинда? Кога на Аријана и врачија долго сребрено стапче со врв во форма на ѕвезда украсен со камења, Аријана беше видно емотивна и со насолзени очи.

@thedrewbarrymoreshow Drew surprises @arianagrande with Glinda’s wand from The Wizard of Oz ✨ Tune in this Thursday (Dec. 5) for more! #arianagrande #wickedmovie #wizardofoz #drewbarrymore ♬ original sound – thedrewbarrymoreshow

„Како воопшто успеа да го направиш тоа? Боже мој, дали проваливте?“, праша Гранде, на што Баримор објасни: „Морам да им се заблагодарам на сите во ова шоу бидејќи бевме многу возбудени што доаѓате. Бевме како: „Во ред, ајде да го набавиме стапчето!“