Летото се приближува со високи температури, кога сите ќе сакаме да имаме совршен тен, но на најприроден можен начин. Ова масло може да ви помогне во тоа.

Ова е многу едноставен рецепт за масло за сончање што можете сами да го направите. Ова природно масло е всушност мацерат за сончање бидејќи се создава со додавање растенија во маслиновото масло.

За да го подготвите, ќе ви требаат:
– 3 дл маслиново масло

– 2 моркови

– 6,7 млади ореви

Земете стаклена тегла и изрендајте два моркови во неа, исечкајте ги оревите и прелијте ја со маслиново масло. Затворете ја цврсто и оставете ја на сонце најмалку 40 дена. Повремено протресете ја содржината. По четириесет дена, процедете ја добиената смеса и истурете го маслото во шише.

Ова природно масло не штити од штетните сончеви зраци, односно неговиот заштитен фактор е само два. Пред да го нанесете маслото, заштитете се со крем со заштитен фактор, а по половина час нанесете го на вашата кожа. По два дена, ќе забележите дека вашата кожа е значително поцрнета.

Благодарение на состојките од маслото, вашата кожа ќе биде мека и негувана.