Доналд Трамп откри дека неговата најмлада ќерка Тифани е бремена со своето прво дете. Тифани Трамп (30) чека дете со сопругот Мајкл Булос (27). Трамп ја сподели веста за време на настан во Детроит.
За време на својот говор, Доналд спомна неколку луѓе во публиката, меѓу кои и таткото на неговиот зет, д-р Масад Булос.
„Тој е татко на Мајкл, а Мајкл е исклучителен млад човек“, рече поранешниот претседател. „И таа е исклучителна млада жена. И ќе имаат бебе. Па, тоа е убаво“, рече тој.
Тифани е четвртото дете на Трамп и единственото што го доби со поранешната и втората сопруга Марла Мејплс. Јавноста често ја доживуваше како несериозна, а на тоа влијаеше и нејзиниот татко кога изјави дека „тој е малку помалку горд на неа од другите негови деца“.
Пред две години се омажи за милијардерот Мајкл Булос. Нејзиниот сопруг, наследникот на нигерискиот конгломерат Boulos Enterprises, вредниот повеќе милијарди долари, е роден во Либан, израснат во Нигерија и се преселил во САД откако ја запознал.
View this post on Instagram
Двојката почна да се забавува во 2018 година по средбата во клубот на Линдзи Лохан во Миконос, Грција. Тие се свршија во јануари 2021 година, на крајот на мандатот на нејзиниот татко како претседател.
View this post on Instagram
Булос ја запросил на тревникот во Белата куќа со дијамантски прстен вреден 1,2 милиони долари, пишува People.
„Ми беше чест да прославувам многу пресвртници, историски прилики и да создавам спомени со семејството овде во Белата куќа, но ниту една не беше поспецијална од мојата свршувачка со мојот неверојатен вереник Мајкл! Се чувствувам благословена и возбудена за следното поглавје“, напиша Тифани на Инстаграм, кога ја објави веста, додавајќи фотографија од неа и Булос како се смешкаат на тревникот во Белата куќа.
View this post on Instagram
За време на претседателствувањето на Трамп, Тифани беше во голема мера надвор од очите на јавноста, а месеци често поминуваа без да се види или да разговара со нејзиниот татко. „Тие отсекогаш имале затегнати односи, а се влошија за време на претседателството“, изјави извор близок до Тифани за People во 2018 година.
Тифани го поминала своето детство во Калабасас, Калифорнија, со нејзината мајка. Мејплс изјави во 2016 година: „Моја одлука беше да ја подигнам надвор од центарот на вниманието“.
