Пенелопе Круз и Хавиер Бардем се сметаат за еден од најхармоничните и најомилени познати парови, а се во брак од 2010 година и имаат две деца. Иако двајцата се големи холивудски ѕвезди, тие се обидуваат да го задржат приватниот живот за себе.

Затоа нивните изјави за приватните работи се многу забележливи, особено кога познатиот Хавиер, кој инаку се смета за голем заводник, ѝ испраќа прекрасни зборови на својата сопруга. И не е ни чудо што неговите изјави ги преплавија социјалните мрежи…

@pugliashaya Penelope Cruz & Javier Bardem having the time of their life at the Bad Bunny concert is all I’m looking for #badbunny #puertorico #latina #penelopecruz #relationshipgoals ♬ NUEVAYoL – Bad Bunny

Бардем зборуваше за својата сопруга со големо восхитување во интервју за списанието Variety, а многу дами посакуваа токму таков маж и сопруг покрај себе.

„Кога ја гледам фотографирана во некои списанија, си мислам: ‘Дали е тоа мојата сопруга? Боже, дали е тоа таа? Мора да е!’“, искрено рече тој.

„Таа е жена со која сум благословен што имав можност да бидам во исто време и на исто место во животот“, рече познатиот актер, нагласувајќи ја важноста на меѓусебното почитување и восхитување во бракот.

„Важно е да го почитувате и поддржувате вашиот партнер, но и да му се восхитувате на таа личност за тоа кој е и што прави. Пенелопе е неверојатно, убаво, добро човечко суштество – начинот на кој се однесува кон своето семејство, пријателите, нашите деца, мене, себеси. Поминаа многу години и не видов ниту една трага од зло во неа“, нагласи Бардем, буквално воодушевувајќи милиони.

Овие негови зборови брзо станаа вирални, а корисниците на социјалните мрежи не го кријат своето воодушевување.

„Нека овој вид љубов ме удри како камион“, „Вистински господин“, „Обожавам сопруг кој е и најголем обожавател на својата сопруга“, се само некои од коментарите.

Сепак, реченицата дека не видел „ни една трага од зло“ кај својата сопруга, што трогна многумина и ги допре до срж.

„Овој дел навистина е впечатлив. Тоа е потсетник дека можеме да бидеме што сакаме. Не мислам дека тоа значи дека таа никогаш не е лута или фрустрирана, но прекрасно е што дури и да е, тој не ја гледа како злобна личност. Каков човек!“ напиша еден корисник.

И социјалните медиуми се едногласни: „Внимание! Вака треба да се однесувате и да зборувате за вашиот партнер.“