Јужна Кореја ја користи индустријата за убавина како економска и политичка стратегија, комбинирајќи поп-култура, иновации и државна поддршка, пренесе Дојче веле.

K-Beauty се однесува на корејската нега на кожа и шминка, која стана глобален тренд. По успехот со K-pop, филмови и технологија, оваа индустрија е новата алатка на „мека моќ“.

Социјалните мрежи како TikTok и Instagram играат клучна улога во ширењето на трендовите, додека ѕвездите од K-pop создаваат побарувачка за производите.

За разлика од западниот пристап, K-Beauty се фокусира на нега и превенција – со познатата рутина од повеќе чекори, која има за цел здрава и природна кожа, наместо прикривање недостатоци.

Индустријата се карактеризира со брзи иновации и комбинација на традиционални состојки (како женшен) со модерна технологија.

Овој пристап е дел од поширока стратегија за градење меѓународен имиџ. „Меката моќ“ значи влијание преку привлечност, а за Јужна Кореја тоа е особено важно во геополитички контекст.

Резултатите се видливи: извозот на козметика достигнал над 11 милијарди долари во 2025 година, а производите се присутни во повеќе од 200 земји.