Џенифер Гарнер ретко зборува за односот со поранешниот сопруг Бен Афлек, но во ново интервју откри дека тој е „неверојатен татко“ и одличен партнер во заедничкото родителство.

Актерката изјави дека додека децата биле мали целосно му се посветила на мајчинството и ретко прифаќала ангажмани што би ја оддалечиле од нив.

Сега, кога нивните деца се тинејџери, Гарнер вели дека има повеќе слобода бидејќи Афлек презел поголема улога во грижата за нив.

„Тој е прекрасен. Се грижи за децата и е одличен партнер во тој поглед. Тоа ми дава голема слобода“, изјави Гарнер.

Џенифер Гарнер и Бен Афлек беа во брак од 2005 до 2018 година и имаат три деца. И покрај разводот, останаа во добри односи и продолжуваат заеднички да ги воспитуваат.