За сите оние кои сакаат промена во новата сезона, ви носиме предлог кој не е само практичен, туку и изгледа многу шик.
Станува збор за таканаречен „воздушен“ боб, потстрижен на начин што не бара премногу стилизирање. Слоевите и обликот го прават лесен, волуменозен и воздушен. За стилизирање, потребна ви е тркалезна четка, спреј за волумен, фен и малку вештина во користењето на четката за да го постигнете вистинскиот волумен.
Сепак, за да биде навистина практична, оваа феноменална фризура бара вистински пропорции, рамнотежа и структура, па затоа Glamour наведува дека е нешто како архитектура кога станува збор за косата. Фризурите се индивидуални и се под влијание на цртите на лицето, структурата на коските и текстурата на косата.
View this post on Instagram
Фризерите го опишуваат воздушестиот боб како класичен боб со додадено движење и волумен. Ако имате густа коса, фризерите велат дека ќе мора малку да ја намалите нејзината тежина ако сакате да го постигнете овој стил. Фризурата е одлична и за тенка коса, а идеален избор е таканаречениот „blunt боб“, во комбинација со спреј за волумен.
За да се добие одличен ефект, фризерите додаваат суптилни слоеви кои ѝ даваат на косата динамика, волумен и движење. Оваа фризура најлесно се стилизира со фен, а трикот е стилизирањето да биде суптилно за косата да не изгледа „премногу уредно“ – нешто како изглед без шминка, но во светот на фризурите.
View this post on Instagram
За стилизирање, потребна ви е тркалезна четка, спреј за волумен и фен со кој ќе ја сушите косата од едната до другата страна, по можност со главата навалена надолу, пишува Glamour.
Поделете ја косата на подебели прамени, завиткајте ги околу четката и исушете ги, а кога ќе стигнете до корените, исушете ги во спротивна насока.
View this post on Instagram
Можете да ја носите косата разделена на средина, малку брановидна, под ушите или до брадата, разделена на страна… Постојат многу можности, па можете целосно да го прилагодите воздушестиот боб на вашите желби.
