Емили Блант се осврна на нејзината улога во филмот со Ен Хатавеј „Ѓаволот носи Прада“, во кој ја играше помошничката на уредникот на модно списание Миранда (Мерил Стрип).

Во неодамнешното интервју за Page Six, актерката откри дека нејзините ќерки Хејзел (10) и Виолет (7), кои ги има со сопругот Џон Красински, мислеле дека таа е „најлошата личност што некогаш ја запознале“ откако го гледале филмот.

Ликот на Емили, исто така наречен Емили, е асистентката на Миранда која не е задоволна од доаѓањето на новата асистентка Андреа (Хатвеј) и најчесто се однесува непријателски кон неа. Инаку, актерката во претходните интервјуа се пошегува дека можеби го добила делот затоа што била под стрес поради тоа што го пропуштила својот лет, поради што нејзината изведба изгледала уште поавтентично.

Улогата во хит филмот значително ја зголеми кариерата на Емили во 2000-тите и ѝ донесе на Мерил номинација за Оскар во 2007 година за најдобра актерка.