Џесика Алба (45) се појави на финалето на Светското првенство во друштво на своето ново момче Дени Рамирез (33). Актерката го гледаше натпреварот помеѓу Шпанија и Аргентина од стадионот, а моменти од фудбалскиот спектакл сподели со своите следбеници на Instagram.
Алба објави серија фотографии од теренот, вклучувајќи и заедничка фотографија со Рамирез. Заедно со објавата, таа ги сподели своите впечатоци од финалето и целиот турнир.
„Каков ден на финалето на Светското првенство! Каква игра! Неверојатен месец полн со прослави, заедништво и незаборавни фудбалски моменти е зад нас. Честитки до сите национални тимови и ФИФА за спектакуларниот турнир од првиот до последниот ден. Се гледаме во 2030 година“, напиша таа.
View this post on Instagram
Иако првично се обидуваше да ја задржи својата врска приватна, Алба во последните месеци сè повеќе споделува моменти со помладиот актер во јавноста. Неодамна се пофали дека заедно присуствувале на свадбата на Тејлор Свифт, а објави и снимки од нив како се подготвуваат за церемонијата.
Потоа сподели фотографии од нивниот одмор во Италија.
View this post on Instagram
Џесика Алба се разведе од филмскиот продуцент Кеш Ворен во јануари 2025 година по речиси 17 години брак. Неколку месеци подоцна, таа започна врска со Рамирез.
Дени Рамирез првпат јавно ја потврди нивната врска на Инстаграм на 10 јануари, додека Алба почна да објавува нивни заеднички фотографии на 20 февруари.
Со поранешниот сопруг Кеш Ворен, актерката има три деца, ќерките Онор и Хејвен и синот Хејс.
View this post on Instagram
