За оние што постојано носат шишки, тие понекогаш можат да бидат вистинска мака – бидејќи бараат често поткратување – но една холивудска актерка пронајде начин како да го промени тоа…

Во последниве години, Дакота Џонсон важи за една од најубавите жени во Холивуд – некој што изгледа импресивно во секоја прилика – а нејзиниот заштитен знак стана препознатливата фризура со шишки.

Иако ѕвездата на филмот „Педесет нијанси“ има пристап до врвни фризери и тим за разубавување кои се грижат за нејзиниот изглед за време на снимања и настани на црвениот тепих, постои еден дел од нејзината рутина за убавина што не им го препушта на професионалците. Како што неодамна објасни, таа со години сама си ги поткратува шишките – честопати со мартини во рака!

Во интервју за германското издание на списанието „Вог“, ѕвездата откри дека токму нејзините раце се заслужни за тој познат, опуштен стил по кој е препознатлива, истакнувајќи дека носи шишки речиси целиот свој живот.

„Имам шишки уште од детството. Сама си ги исеков кога имав околу четири години и едноставно ги обожавав. Ги носам цел живот, освен во периодот меѓу 10-тата и 14-тата година. Едноставно се чувствувам како себеси кога имам шишки“, изјави актерката.

И оттогаш, таа сама си ги поткратува.

Иако во последно време ги носи малку подолги – негувајќи стил инспириран од 70-тите години – Дакота сепак редовно ги поткратува шишките и не се откажува од својот уникатен ритуал. Таа дури и секогаш става ножици во багажот кога патува. „Дали би била среќна ако не морам постојано да ги поткратувам? Стопроцентно. Но, секогаш патувам со ножици и сакам да пијам мартини додека сама си ги поткратувам шишките“, призна таа.

Сепак, комбинацијата од алкохол и ножици не секогаш давала совршени резултати. Кога ја прашаа дали некогаш направила грешка додека си ја поткратувала косата, таа низ смеа одговори:

„О, да. Секој пат. Не, не ‘секој’ пат, но сепак – да.“

Таа речиси и да не го допира остатокот од својата коса. За разлика од нејзините шишки, Дакота Џонсон не вложува многу труд во остатокот од косата. Нејзината секојдневна рутина е прилично едноставна и не вклучува ниту многубројни производи, ниту сложено стилизирање.

„Не користам производи за стилизирање и ја оставам косата да се исуши природно“, објасни таа.

Сепак, кога се подготвува за свечени настани, актерката тоа им го препушта на професионалците; нејзините препознатливи изгледи за црвениот тепих ги креираат фризерите Марк Таунсенд и Џорџ Нортвуд.

Иако можеби би се очекувало актерката да посака голема промена по толку години, малку е веројатно дека Дакота наскоро ќе се откаже од својата препознатлива темнокафеава коса и густите шишки.

„О, Боже. Знаете што? Очигледно сум физички врзана за мојата коса, но исто така сум и многу емотивно врзана за неа“, изјави таа претходно.

Таа додаде дека веројатно ‘би требало’ да ја промени фризурата, но не верува дека навистина ќе го стори тоа.