Капсулите за перење ако не се користат правилно можат да направат повеќе штета отколку корист. Меѓутоа, ако ги совладате основните чекори, ќе сфатите дека тие се многу практични.
Доколку забележавте дека ја вадите облеката од машината за перење, а од капсулата има траги од детергент кој не е доволно растворен, ова е знак дека не ја користите правилно, пишува „Best Llife“.
А правило е, капсулата мора да биде во контакт со вода.
„Капсулите за перење алишта се дизајнирани целосно да се растворат во вода, рамномерно ослободувајќи ги средствата за чистење во текот на циклусот на перење“, вели Муфета Кругер, експерт за чистење.
Овој процес на растворање е клучен за „ефикасно чистење“, додава Карина Тонер, менаџер во Speckless Cleaning.
„Кога капсулата не се раствори целосно, средствата за чистење и ензимите во неа може да не се рамномерно распоредени“, објаснува таа, додавајќи дека „ова може да предизвика лепење на остатоците на облеката, предизвикувајќи дамки“.
Значи, ако не ги користите правилно, капсулите може да ги оштетат вашите алишта.
Прва грешка: ја ставате капсулата одозгора
„Вообичаена грешка е додавањето на капсулата со детергент директно врз алиштата во машината за перење“, вели Тонер, додавајќи дека капсулите секогаш треба да се ставаат на дното на барабанот пред да додадете облека.
Со ставање на капсулата на дното, и давате поголема шанса целосно да се врзе со водата додека машината се полни, што потоа ќе и овозможи да се раствори, вели инфлуенсерката Лаура Маунтфорд.
„Од друга страна, ако ја ставите капсулата врз вашата облека, таа нема да се раствори правилно“, предупредува таа.
Втора грешка: Празна машина
Капсулите за перење алишта исто така добро функционираат само кога машината за перење е полна до пропишаниот капацитет, пренесува City Magazine.
„Важно е да се следат упатствата на производителот за големината на товарот“, вели Кругер, додавајќи дека ако ја преоптоварите машината и додадете премногу облека, капсулата може да не се раствори правилно.
Според Кругер, преполната машина нема да остави доволно простор за правилно растворање на капсулата со детергент.
„Кога машината за перење е преполна, можеби нема да има доволно простор за капсулата да се раствори и рамномерно да се распореди меѓу облеката“, тврди таа, додавајќи дека тоа може да резултира со некои предмети да добијат премногу детергент, додека други да добијат премалку.
