По трет пат во државата ќе се одржи “Cinema Made in Italy”, филмска ревија посветена на најголемите хитови на современата италијанска кинематографија, организирана од Cinecittà, еден од најважните европски филмски и фотографски архиви, во соработка со Италијанскиот институт за култура во Белград и со поддршка на Амбасадата на Италија во Скопје.

Во текот на четирите ревијални вечери ќе бидат прикажани филмови излезени во киносалите во текот на оваа година, најнови остварувања на афирмирани или нови режисерски имиња, селектирани и претставени на најпрестижни филмски фестивали.

Проекциите ќе се одржат во Cineplexx Skopje City Mall, филмовите ќе бидат со превод на македонски, а влезот ќе биде бесплатен.

Програма:

Среда, 10 декември – 20:00 часот

Забранетиот град (2025), режија: Габриеле Маинети

Четврток, 11 декември – 20:00 часот

Три чинии (2025), режија: Исабел Коишет

Петок, 12 декември – 20:00 часот

Грабнувањето на Арабела (2025), режија: Каролина Кавали

Сабота, 13 декември – 20:00 часот

Една учебна година (2025), режија: Лаура Самани

Cinecittà е чувар на прочуениот „Archivio Luce“ (Архив Луче) — визуелно наследство впишано во листата на УНЕСКО „Сеќавања на светот“ (Memory of the world Register). Управува и со познати филмски студија и ја промовира италијанската кинематографија ширум светот како член на European Film Promotion (EFP).

Повеќе информации се достапни во документот кој ви го испраќам во прилог и на: https://www.cineplexx.mk/film?category=now&location=all…