Според календарот на МПЦ (Јулијанскиот календар) денеска е 27 јуни.
Свети Сампсон Странопримец
Овој светител е роден од богати и прочуени родители во стариот Рим, каде што го изучи сето светско знаење на тоа време, а особено ? се посвети на лекарската наука. Како лекар беше милосрден и бесребрен, а на болните им даваше лекови за телото и за душата, советувајќи ги да ги извршуваат заповедите на христијанската вера. Потоа се пресели во Цариград, таму живееше во еден малечок дом од којшто растураше на сите страни, како сонцето зраците на светлината – милостиња, утеха, совети, надеж, лек и воопшто помош за беспомошните, и духовна и телесна. Патријархот чу за добродетелите на овој човек и го ракоположи за свештеник. Во тоа време се разболе царот Јустинијан Велики и неговата болест, според уверувањето на сите лекари, беше неисцеллива. Тогаш царот Му се помоли на Бога со голема усрдност и Бог му откри во сон дека Сампсон ќе го исцели. Навистина, кога дозна царот за Сампсон, го повика на дворецот и само што старецот ја стави раката на болното место, царот оздраве. Па кога царот му нудеше големо богатство за ова, Сампсон се заблагодари, не сакајќи ништо да прими, а рече: „О цару, имав јас и злато и сребро и други имоти, но с ? оставив заради Христа, за да ги стекнам вечните небесни богатства“. Но бидејќи царот настојуваше сепак да стори нешто за него, Свети Сампсон го замоли да му изгради дом за ништите. Во тој дом Сампсон им служеше на сиромасите како родител на своите деца. Милоста кон сиромасите и немоќните му беше како природна. Најпосле овој свет човек, сиот исполнет со небесна сила и добродетел, се упокои мирно на 27 јуни 530 година. Го погребаа во црквата на Светиот маченик Мокиј, неговиот роднина. Откако се упокои, многупати им се јавуваше на оние што го повикуваа на помош.
ОД КАТОЛИЧКИОТ КАЛЕНДАР
Денеска е 10 јули.
Света Амалија
Денешна заштитничка е Амалија (Амалберга, Амалбурга, Амелија), светица од VII век. век, кој во хрватскиот јазик го нарекуваме Љубица. Сестра или внука на Свети Пипин од Ланден, таа е родена околу 600 година во Брабант. Се омажила за грофот Витгер, војвода од Лорен и родила тројца светци, Свети Емеберт, Света Рајнелда и Света Гудула. Кога децата пораснале, таа заедно со својот сопруг се пензионирала во бенедиктинската опатија во Мобеж (денешна северна Франција), каде што се посветила на аскетски живот и молитви. Починала во 690 година и била погребана до нејзиниот сопруг во бенедиктинската опатија во Лобс (Белгија). Нејзините мошти се наоѓаат во белгискиот град Бинче (Валонија). Нејзина помош се јавуваат пациенти кои имаат проблеми со треска, болки во рацете и модринки.
