Поради технички зафати во електродистрибутивната мрежа денеска прекин во снабдувањето со електрична енергија ќе имаат дел од жителите на скопските населби Водно, Пинтија и Ѓорче Петров, соопшти Регионалниот центар за управување со кризи на Град Скопје.

Без струја денеска од 8:30 до 10:30 часот ќе бидат дел од корисниците од улиците „Тасино Чешмиче“, „Ѓорѓи Скрижевски“ и „Партениј Зографски“ во населбата Водно во Општина Центар.

Од 9:00 до 14:00 часот денеска без струја ќе бидат корисниците од улица „1519“ во населбата Пинтија во Општина Кисела Вода.

Во истиот период прекин во снабдувањето со електрична енергија ќе имаат корисниците од улиците „Ѓорче Петров“, згради број 33 и 35, „Смојлане“, „Сагудати“, „Штросмаерова“, „Даутица“, „Јосиф Ковачев“ и дел од улица „Социјалистичка зора“ во Ѓорче Петров.