Денеска во периодот од 08.00 до 12.00 часот на подрачјето на Секторот за внатрешни работи Тетово спроведена е акциска контрола во која биле откриени, санкционирани и исклучени од сообраќај вкупно 12 технички неисправни возила, од кои 11 имале неисправни сопирачки (ТЕ-7 и ГВ-4) и 1(ГВ) неисправни пневматици, додека 1 возило(ТЕ) било со неатестирани фолии на стаклата.

Покрај ова, санкционирани се и 1(ТЕ) лице кое го управувало возилото без положен возачки испит, 1(ТЕ) возач со важечка забрана за управување и 2(ТЕ) возачи кои со себе не носеле возачки дозволи.

При контролата, исто така, санкционирани се и 7 други видови сообраќајни прекршоци (ТЕ-6 и ГВ-1).

Секторот за внатрешни работи Тетово со совет до возачите навреме да ја проверуваат техничката исправност на возилата. СВР Тетово, исто така, апелира до возачите да не седнуваат зад управувачот без положен возачки испит, но и да ја прилагодат брзината според условите на патот.