Вчера, околу 19.15 часот, во СВР Тетово повикан е 47-годишниот тетовец Г. И., кој два часа пред тоа бил пријавен од 35-годишната тетовка А. Р. дека околу 13.30 часот на улицата Полог во Тетово физички го нападнал нејзиниот 41-годишен сопруг В. Р., извести СВР Тетово.

„Покрај ова, според пријавеното, Г. И. повеќепати им се заканувал и барал поголема сума пари, кои наводно му ги должеле. Подоцна, во СВР Тетово бил повикан и В. Р.“, соопшти СВР Тетово.

Се расчистува и документира случајот и против Г. И. ќе следува соодветен поднесок.