Денеска во 08.00 часот во СВР Тетово било пријавено дека на регионалниот пат Тетово-Јажинце, во тетовско Џепчиште, се случила сообраќајна несреќа помеѓу патничко моторно возило „фолксваген туран” со тетовски регистарски ознаки, управувано од С.З.(45) од тетовско Доброште и патничко возило „фолксваген голф” со тетовски регистарски ознаки, управувано од Д.С.(63) од тетовско Теарце.

Во несреќата, возачот на возилото „фолксваген туран” се здобил со тешки телесни повреди, а сопатникот од истото возило И.М.(33) од тетовско Јажинце се здобил со телесни повреди, констатирани во тетовската Клиничка болница. На местото на несреќата увид врши екипа на СВР Тетово.