Вчера попладне во 13.35 часот било пријавено дека во Скопје на улицата „Александар Урдаревски“ се случила сообраќајна несреќа помеѓу патничко моторно возило „фолксваген“ со скопски регистарски ознаки, управувано од Н.М.(30) од Скопје, патничко моторно возило „поло“ со скопски регистарски ознаки, управувано од С.Т.(49) од Скопје и патничко моторно возило „ауди“ со скопски регистарски ознаки, управувано од М.К.(26) од Скопје, извести МВР.

Во несреќата со тешки телесни повреди се здобила С.Т., констатирани во Градската општа болница „Св.Наум Охридски“, додаваат од МВР.

Извршен бил увид од увидна екипа од СВР Скопје.