Вчера вечер во 19.40 часот на излез од Гевгелија, полициски службеници од Полициската станица за граничен премин и граничен надзор Богородица при Регионалниот центар за гранични работи Југ забележале две патнички возила „фолксваген“ со косовски национални ознаки, во кои се превезувале лица – илегални мигранти, извести МВР.

– Двете возила не застанале на даден знак за запирање, по што едното возило продолжило со движење по автопатот кон Скопје, а другото возило возачот го запрел кај наплатната станица Смоквица и го напуштил местото, соопшти МВР.

При преглед во возилото биле пронајдени девет лица мигранти од Сирија, кои по наредба на јавен обвинител се сместени во Прифатен центар за странци во Скопје. Се преземаат мерки за расчистување на случајот.