Двајца мажи се приведени во одделни случаи во Велес и Скопје, по пријави за физички напад и закани кон сегашна и поранешна партнерка, соопшти МВР.

Во Велес, рано утрово во 3:16 часот, полицијата го привела А.Р. (33), откако претходно било пријавено дека во домот на неговата 32-годишна партнерка физички ја нападнал. За случајот е известен јавен обвинител, а по негово документирање ќе биде поднесена соодветна пријава.

Во Скопје, вчера во 15:30 часот бил приведен А.Д. (28), по пријава дека околу 11 часот во семејниот дом на подрачјето на Карпош ѝ упатувал закани на својата 37-годишна поранешна сопруга, со која живеат заедно.

И во овој случај, по целосно документирање на настанот, ќе следува соодветна пријава.