По преземени мерки и активности, на 11.09.2023, полициски службеници од Единицата за насилен криминал, Одделение за насилен криминал при СВР Скопје и полициски службеници од Полициското одделение Мирковци го лишиле од слобода 35-годишниот М.П. од село Мојанци, скопско, извести МВР.

– Тој се сомничи дека на 10.09.2023 по телефон упатил закани кон командирот на Полициската станица за граничен надзор Танушевци поради претходно преземени мерки за откривање на нелегална сеча и транспорт на огревно дрво. Со М.П. бил извршен службен разговор во полициска станица, соопшти МВР.

По целосно документирање на случајот, во координација со јавен обвинител, против него ќе биде поднесена соодветна пријава.