Денеска полициски службеници од СВР Тетово го лишиле од слобода Х.Х.(33) од тетовски Порој.

Имено, во периодот од 07.30 до 08.30 часот, по претходно добиена судска наредба, бил извршен претрес во дом и помошни простории на Х.Х., при што биле пронајдени и одземени кокаин, марихуана и хашиш.

Х.Х. е приведен и задржан во полициска станица и против него ќе следува соодветен поднесок, соопшти полицијата.