Вчера околу 11.00 часот во СВР Скопје било пријавено дека на крстосница од улицата „Васил Главинов“ со улицата „Максим Горки“ се случила сообраќајна несреќа помеѓу патничко возило „опел корса“ со скопски регистарски ознаки, управувано од 38-годишниот С.Н. и велосипед управуван од 40-годишниот И.Д., двајцата од Скопје, извести МВР.

„Во несреќата со тешки телесни повреди се здобил велосипедистот, констатирани во Градската општа болница „Св.Наум Охридски“ во Скопје. Извршен бил увид од увидна екипа на СВР Скопје“, соопшти МВР.