Основното јавно обвинителство-Битола информира дека дежурен јавен обвинител извршил увид на местото каде утрово се случи тешка сообраќајна несреќа со смртни последици.

Според првичните наоди при увидот, до несреќата на патот Прилеп-Ресен дошло при директен судар на автомобил Опел корса со битолски регистарски ознаки и товарно возило со штипски регистарски ознаки.

– Во сударот животот го загубил 24-годишниот возач на патничкиот автомобил. Се постапува за испитување на причините за несреќата, при што по наредба на јавниот обвинител ќе биде извршено сообраќајно вештачење. Издадена е наредба за обдукција на телото на починатиот, соопштија од ОЈО-Битола.