Надворешната канцеларија за криминалистички работи во Делчево поднесе кривична пријава против 48-годишен маж од овој град, поради семејно насилство.

Тој се сомничи за „загрозување на сигурноста“, „телесна повреда“ и „насилство врз дете“.

Според информациите на полицијата, на 9 јануари 2026 година, во нивниот семеен дом, мажот се заканувал на својата сопруга. По заканите, тој физички ја нападнал жената. Целиот инцидент се случил во присуство на нивната малолетна ќерка, кај којашто нападот предизвикал страв и вознемиреност.