Вчера во хотелот Holiday Inn во Скопје се одржа второто издание на „The Economist MeetUp – The World Ahead 2025“, конференција што на едно место ги собра најистакнатите лидери, визионери и иноватори од регионот и пошироко.
Настанот го отвори министерот за локална самоуправа Златко Перински, кој најави целосна дигитализација на сите општини до 2026 година.
Во рамките на настанот, Борислав Миљановиќ, основач и сопственик на Represent Systems ги водеше ексклузивните интервјуа со Раде Ракочевиќ, основач на Сензал Капитал и Небојша Матиќ основач и сопственик на Микроелектроника. Ракочевиќ ги охрабри учесниците да инвестираат на берзата за долгорочна стабилност, а Матиќ ја сподели успешната приказна за воведувањето на 4-дневната работна недела.
„The Economist MeetUp – The World Ahead 2025“ во организација на Represent Communications Macedonia и Color Media Македонија не беше само конференција, туку арена на идеи кои инспирираат, отвораат нови хоризонти и создаваат конкретни можности.
