Потсекретарот на Министерството за одбрана на САД Дерек Шоле од недела ќе престојува во Косово, објавија денеска локалните медиуми.

Според дел од косовските медиуми, заедно со Шоле на Косово доаѓаат и други високи американски безбедносни функционери.

Се очекува Шоле да има одвоени средби со косовската претседателка Вјоса Османи и премиерот Албин Курти.

Тоа ќе биде највисока посета на претставници на администрацијата на американскиот претседател Џо Бајден по тензиите на северот на Косово и протестите на локалните Срби.