Поранешниот специјален пратеник на американскиот претседател Доналд Трамп за дијалог меѓу Белград и Приштина, Ричард Гренел, ја критикуваше американската агенција за меѓународен развој (УСАИД), која ѝ додели помош на Приштина околу 3,5 милиони долари, нарекувајќи го потегот „чиста корупција“.

Тој во објавата на мрежата X рече дека САД сега ги финансираат „едностраните и опасни акции на Курти“, што тој ги осуди и го повика генералниот инспектор на Стејт департментот да го истражи овој грант и зошто се доделува сега.