Албанија се надева дека ќе влезе во Европската унија до 2030 година, изјави премиерот Еди Рама.

Тој пред околу 2.000 приврзаници во хотел во Солун вети дека многу албански иселеници првпат ќе можат да гласаат на следните избори, кои ќе се одржат во пролетта 2025 година. И покрај различните спорови со Грција, Рама рече дека односите меѓу двете земји се одлични.

Имаше стравувања од националистички контрапротести, во град каде што екстремно десничарските партии се особено силни. На крајот, пред местото на средбата се појавија околу 20-25 луѓе, со транспарент на кој му порачаа на Рама да си оди.