Претседателот на Србија, Александар Вучиќ, на прес-конференција со претседателката на Словенија Наташа Пирц Мусар бил непријатен кон словенечки новинар кој се заинтересирал за протестите против насилството и настаните во српскиот парламент, пренесува Н1.

Одговорите што ги доби беа такви што побараа одговор од претседателката на Словенија и објаснување за демократијата и слободата на говорот.

Во едно од прашањата новинар од ТВ Словенија го поврза продолжувањето на протестот „Србија против насилството“ и немањето кворум во српскиот парламент, што беше можност за реакција на претседателот на Србија.

-Ви благодарам многу за вашите прашања, бидејќи дел од тие прашања покажуваат како и зошто Европската унија не е толку популарна како што сите ние би сакале во нашата земја. Понекогаш, поради вашата прекумерна добра волја, луѓето се чувствуваат понижени, бидејќи гледаат дека се мешате во работи во кои никогаш не би дозволиле некој друг да се меша кога се во прашање вашите земји, почна Вучиќ со ироничен тон.

Зборувајќи за протестите против насилството, тој рече дека протести се одржуваат веќе 10 години, минимизирајќи ја нивната важност со изјавата „протест како протест“.

Обраќајќи му се директно на новинарот, тој постојано повторуваше дека Србија, за разлика од ЕУ, нема практика „да го убива богот во демонстрантите“.

-Порано имаше секој ден, сега се викенд протести. Со исклучок на повикот за моето бесење, тие се тивки. И за разлика од вашата воспоставена практика во ЕУ да го убивате богот во демонстрантите, овде е мирно. Доаѓаат, се собираат, се разотидуваат и се е во ред, изјави Вучиќ.

„Се обидуваме да ги преземеме вашите најдобри демократски достигнувања, единственото нешто што сè уште не сме го преземале е да го убиеме богот во демонстрантите. Тоа не можеме и нема да го направиме, ќе го избегнуваме до последен момент“, повтори Вучиќ директно обраќајќи се на новинарот и додаде дека полицијата дозволила демонстрантите да упаднат во зградата на Собранието, односно зградата на РТС, враќајќи се на темата за стандардите на ЕУ за тепање демонстранти.

Овој одговор ја принуди гостинката од Словенија да реагира и, како што рече, да одговори. Таа кажа дека демонстрациите во секоја земја се легитимен и демократски чин и дека интересот на новинарите за протестите и настаните во Србија, како и известувањето за нив, претставува слобода на изразување.

-Тоа што медиумите известуваат за демонстрациите е слобода на изразување и се надевам дека не му замеривте премногу на новинарот за прашањето. Демократијата е и слобода на медиумите и треба да работиме и на тоа, рече Пирц Мусар, додавајќи дека протести има и во Словенија и во Брисел.

Вучиќ не дозволи репликата на претседателката на Словенија да биде последна, па одговори дека му е благодарен на „Вашиот новинар што поставил вакво прашање“.

-Кај нас, секако, слободата на медиумите е таква што секој ден треба да одговарам дали сум Хитлер или Мусолини. Не ви го сакам тој степен на слобода, заклучи Вучиќ.