19-годишно момче загина во забавниот парк на познато летувалиште на Халкидики.

Како што потсетуваат медиумите во регионот претходно, жртвата од несреќата се здобила со сериозни повреди на вртелешката кога му пукнал ланецот на седиштето. Екипите на итната помош набрзо пристигнале на местото на настанот, но и покрај сите напори на лекарите, тој во болница им подлегнал на повредите.

По повод трагедијата уапсени се две лица. Првиот, машинскиот оператор (21) и вториот, сопственикот на забавниот парк (58). Тие веднаш по рочиштето се пуштени од притвор.

Членовите на семејството на починатиот млад човек бараат одговор на многу прашања.

Неутешниот татко бара сопственикот на озлогласениот рингишпил во Пефкохори да одговара за смртта на неговото дете, бидејќи, како што вели, немал дозвола.

„Ако вие новинарите не ја најдете градоначалничката, утре после погребот кога ќе му го дадам синот на Бога, ќе ја најдам. Нема да се откажеме од барањето одговорност не затоа што се работи за мојот син. Живеам во Атина и кога слушнав што се случи веднаш дојдов. Ова е кривично дело, а не небрежност.

Моите синови отидоа да се забавуваат. Бог не спаси да не изгубиме уште еден син. Моите деца разговараа меѓу себе кога седиштата почнаа да пукаат. Помладиот успеал да се држи за шипката“, рекол таткото.