Откриени се детали од трагедијата што се случи во понеделникот во забавниот парк во Пефкохори, Халкидики, кога животот го загуби млад човек (19).

Младиот човек починал откако паднал од конзолата, бидејќи столчето на кое седел му се скршило за време на возењето.

Младиот човек дошол со семејството на одмор на Халкидики и сите отишле во забавниот парк да се забавуваат. Во моментот на несреќата тој бил на вртелешка со еден од неговите браќа, додека другиот бил сведок на страшната трагедија.

„Отидовме во забавниот парк и тргнавме на возење. Седнавме на седиштата, а потоа сопственикот ни рече да се поместиме. Пред да започне возењето рече дека ќе биде силно. Отпрвин сè започна полека, а потоа се побрза и почуствував како ни се лизга седиштето, му реков на брат ми, тогаш почувствував како ми се оттргна дел од зад грб“, раскажува братот на починатиот млад човек.

Потоа ги опишува драматичните сцени што следеле.

„Во секунда паднав на грб и сфатив дека брат ми не е до мене, се припивав за железната шипка, а брат ми полета од седиштето, не одлета далеку, но ме удри во глава. Се тоа се случуваше пред очите нашиот брат и мајка ни, други луѓе ја запреа машината, раскажува младиот човек.

Полицијата го привела сопственикот (58), а истрагата е во тек.

Градоначалникот на Пефкохори, Јоргос Циркудис, рече дека не знае кој е одговорен за забавниот парк и додаде дека паркот постои 20 години.

„Не знам кој е на чело на тој парк, никогаш не сум бил“, рече Циркудис.