24-годишниот Н.Ѓ. од БиХ вчера, еден час по полноќ, со голема брзина удрил во друго возило со своето „ауди“ во Нов Белград, при што на лице место загинало тричлено семејство кое се наоѓало во автомобилот „хјундаи“. Нивото на алкохол во крвта на возачот било измерено на 1,17 промили, а бил позитивен и на канабис. Тој денес ќе биде сослушан во Вишото јавно обвинителство во Белград, пренесува српски Телеграф.
View this post on Instagram
Во стравичната сообраќајна несреќа, животот го изгубија сообраќајниот полицаец Б.Ж. (43), неговата сопруга Д.К. (38) и нивниот деветгодишен син М.Ж. Совозачот од „аудито“, Ј. П. од БиХ, кој исто така бил под дејство на алкохол со ниво во крвта од еден промил, е во тешка состојба во Ургентниот центар. Лекарите му дијагностицирале тешки повреди опасни по живот.
View this post on Instagram
Вицепремиерот и министер за внатрешни работи Ивица Дачиќ ги потврди деталите за несреќата што се случила околу 00:50 часот на улицата „Омладински бригада“.
View this post on Instagram
„Возачот на ‘аудито’ Н.Ѓ. (24), државјанин на БиХ, е уапсен поради постоење основи на сомнение дека сторил кривично дело Тешки дела против безбедноста во јавниот сообраќај. Утврдено е дека возел под дејство на алкохол во крвта од 1,17 промили“, рече Дачиќ.
View this post on Instagram
Тој потврди дека настрадало семејството во „хјундаито“, а дека возачот ќе биде приведен до 48 часа.
фото: принтскрин
