Американскиот претседател Доналд Трамп ги отфрли критиките поради уривањето на дел од Белата куќа за изградба на нова балска сала, изјавувајќи дека звукот на градежните машини е музика за неговите уши, пренесе Хина.
Демократите, меѓу кои и Хилари Клинтон, го обвинија дека не ја почитува претседателската резиденција откако багерите го урнале источниот дел каде што се наоѓаат канцелариите на првата дама.
.@POTUS: “You probably hear the beautiful sound of construction to the back. You hear that sound? Oh, that’s music to my ears. I love that sound… it reminds me of money. In this case, it reminds me of lack of money, because I’m paying for it.” 🤣 pic.twitter.com/ukgAIGV0Ys
— Trump War Room (@TrumpWarRoom) October 21, 2025
„Градиме балска сала од светска класа. Кога го слушам тој звук, ме потсетува на пари — или поточно, на нивно отсуство, затоа што јас плаќам за тоа,“ изјавил Трамп, додавајќи дека делумно самиот ги финансира работите, додека остатокот ќе го покријат приватни и корпоративни донатори.
Хилари Клинтон го осуди проектот, порачувајќи: „Тоа не е неговата куќа. Тоа е вашата куќа. А тој ја уништува.“
