Министерот за надворешни работи на Израел, Гидеон Сар, денес оцени дека предложените мерки на Европската комисија против Израел се „морално и политички перверзни“ и ќе ѝ наштетат на Европа.

„Акциите против Израел ќе им наштетат на интересите на самата Европа“, изјави тој на платформата X. Сар вети дека Израел ќе продолжи да се бори, „со помош на своите пријатели во Европа, против обидите да му се наштети додека се води егзистенцијална војна“.

„Чекорите против Израел ќе бидат возвратени на ист начин, но се надеваме дека тоа нема да биде потребно“, предупреди тој.

Денес, Европската комисија формално му предложи на Советот на ЕУ суспендирање на договорот за слободна трговија со Израел поради војната во Газа, санкции врз Хамас, екстремистичките израелски министри и насилните доселеници, како и суспендирање на билатералната поддршка за Израел, со исклучок на поддршката на граѓанското општество и Јад Вашем.

Фото: принтскрин