Европските лидери кои беа против прекинот на огнот во Украина се предомислија, изјави рускиот министер за надворешни работи Сергеј Лавров, пренесува РИА.

Тој рече дека Украина се согласила на 30-дневен прекин на огнот во март и веднаш побарала согласност од Русија.

„Секакви Макрони, Стармери, Фон дер Лајенс, веднаш почнаа да викаат дека топката сега е кај рускиот претседател Владимир Путин. Иако три дена пред тоа, сите велеа дека нема примирје, дека треба да ја „напумпаат“ Украина пред да седнат на преговарачка маса за да дејствува од позиција на сила.

Тој изјави дека истиот ден кога беше договорен договорот за прекин на огнот, Киев лансираше рекорден број беспилотни летала во централните региони на Русија, без тоа да го осуди Западот.

Лавров посочи дека дијалогот меѓу Русија и САД е неопходен и дека тој претставува враќање во нормала.

„Она што односите меѓу овие земји го доживеаја за време на поранешниот американски претседател Џозеф Бајден е аномалија. Ова не им служи на честа на политичарите, особено на оние со искуство како она на Бајден. Фактот дека сега, и покрај сериозните несогласувања, го продолживме дијалогот е враќање во нормала. Таквиот дијалог е неопходен. Особено затоа што не зборуваме само за Украина“, смета Лавров.

Тој оцени дека специјалниот пратеник на американскиот претседател Доналд Трамп за Русија и Украина, Стив Виткоф, ја разбира суштината на конфликтот во Украина, но дека ги прецени европските елити во однос на прекинот на огнот.