Идниот германски канцелар Фридрих Мерц постигна договор со Зелените за огромен план за трошење кој ќе пренасочи стотици милијарди евра за одбрана и инфраструктура, дознава Политико од луѓе запознаени со преговорите.

Мерц, лидер на Христијанско-демократската унија (ЦДУ), претходно овој месец склучи договор со Социјалдемократската партија (СПД) за ефикасно ослободување на трошоците за одбрана од строгите одредби на уставната „сопирачка за долг“ и создавање специјален фонд од 500 милијарди евра за финансирање инфраструктурни проекти надвор од нормалното буџетско трошење во следната деценија.

Меѓутоа, за законите да поминат низ парламентот, на Мерц му требаше поддршката од германските Зелени, кои досега не ја поддржуваа. Денешниот очигледен договор го отвора патот мерките да бидат усвоени во Бундестагот во вторник.

Деталите за пробивот со Зелените се уште не се јасни денес, но луѓе запознаени со преговорите велат дека е постигнат широк договор за пакетот трошоци, пишува Политико. Договорот ќе означи голем чекор подалеку од децениското фискално ограничување на Берлин, со цел да се ослободи масивното трошење за да се зајакне одбраната и да се поттикне германската економија.

Зелените начелно се согласија со планот на Мерц откако ги обезбедија обврските за заштита на трошоците поврзани со климата, според луѓе запознаени со преговорите.