Се појавија гласини за можна врска помеѓу актерката Софија Вергара (52) и возачот на Формула 1 Луис Хамилтон (40), кој е 12 години помлад од неа, пишува ТМЗ, кој објави и нивни заеднички фотографии.

Тие биле снимени пред ресторан во Њујорк, додека се смеат и разговараат цело време пред таа да влезе во нејзиниот автомобил и да замине.

Подоцна, извори блиски до нив изјавија дека Софија „толку била занесена во разговорот што едвај ја пробала нејзината храна“. Иако за време на ручекот им се придружувале пријателите, според изворот, Софија и Луис „изгледале маѓепсано и цело време се смешкале еден на друг“.

За потсетување, во октомври 2023 година, Софија се разведе од Џо Манганиело, со кого беше во брак седум години. Три месеци по разводот почнаа да кружат гласини за нејзината врска со докторот Џастин Салиман.

Неколку пати се видени заедно, а Софија во неколку наврати објавуваше негова фотографија на Инстаграм.