Потврдениот број на пет загинати веројатно ќе се зголеми, изјавија официјални лица, бидејќи снимките од беспилотни летала ги доловуваат размерите на катастрофата во јужна Калифорнија.

Снимките од воздух на областа Пацифик Палисадес во Лос Анџелес во четвртокот покажаа широко распространето уништување по пожарот во Палисадес, кој продолжува да гори.

Шефот на пожарникарите во Лос Анџелес, Кристин Кроули, го опиша пожарот во Палисадес како една од најразорните катастрофи во историјата на градот, со илјадници уништени објекти и масовна евакуација.

Целосно се уништени делови од Лос Анџелес и околните области низ кои беснееше страшниот пожар.

Од фотографиите се гледа дека бројни куќи се изгорени до темел, а дека пожарот се уште беснее во другите делови на градот.