Денеска во Занаетчиски дом – Куманово се одржа традиционалниот Новогодишен концерт на УОМО “Панче Пешев”. Ученици од I до IX одделение, кои посетуваат настава во ова училиште, на задоволство на наставниците и родителите, уште еднаш го докажаа својот музички талент. Пред многубројните љубители на музиката се претставија со богат репертоар преку: хорски и соло музички изведби, композиции изведени на виолина, кларинет и хармоника, под беспрекорно водство на професорите од сите застапени класи во “Панче Пешев”.
На концертот присуствуваа претседателката и членови на Совет на општина Куманово и претставници на општинска администрација. Ова беше одлична можност преку музика да се почувствува предновогодишната атмосфера и еуфорично задоволство.
The post Новогодишен концерт на УОМО “Панче Пешев” – Куманово first appeared on Општина Куманово.
