Талула Вилис (30), ќерката на Брус Вилис, се сврши со својот партнер Џастин Аси. Таа ја сподели веста на Инстаграм заедно со неколку фотографии од нејзината романтична свршувачка. „Секој ден“, напишала накратко во описот.
Таа на своите следбеници го покажа својот дијамантски прстен, а сподели и видео каде покажа како нејзиниот вереник ја изненадил. Ливчиња од роза ја дочекаа на подот, а патеката исто така беше украсена со бројни свеќи. Судејќи по видеото, Џастин ја запросил пред каминот.
View this post on Instagram
Таа сподели и фотографија со нејзиниот вереник и миленикот на нејзината мајка Деми Мур, кучето Пилаф. Коментарите беа исполнети со честитки од познатите ѕвезди и фанови.
„Најубавата љубов на која сум била сведок и гледала како расте. Многу ве сакам и двајцата. Џастин, среќна сум што те викам брат. Мојата мала Лула, мојот подарок, мојата кралица, моето срце е полно. Опседната сум со вас“, напиша нејзината сестра Румер (36).
