Најмалку седум лица се повредени во нападот што се случи утринава во основното училиште Пречко во Загреб. Нападот го извршил малолетник ученик со нож, а повредени се пет деца и двајца возрасни, пренесува Вечерњи лист.

Весникот неофицијално дознава дека напаѓачот има 15 години. Нема информација дали бил ученик на ова училиште или на некој друг начин е поврзан со таа институција. И хрватската полиција го потврди нападот.

„Денеска, 20 декември, околу 09:50 часот, млад човек со остар предмет повреди наставник и неколку ученици во воспитно-образовна институција на подрачјето на Пречко. Напаѓачот е под полициски надзор. Повредените лица се на лекарска помош“, соопшти полицијата.