(Видео) Макрон исвиркан на Мајот: Јас не сум циклон, не сум одговорен

makron-majot.jpg
Facebook
Twitter
LinkedIn
Telegram
WhatsApp
OK

Францускиот претседател Емануел Макрон се соочи со критики за време на посетата на Мајот, француски архипелаг во Индискиот Океан. Откако локалните жители го пречекаа со свирежи и повици за негова оставка, Макрон одговори: „Јас не сум циклон. Не сум одговорен“.


Маркон вчера пристигна во Мајот, пет дена откако циклонот Чидо предизвика огромна штета. Илјадници луѓе сè уште немаат пристап до вода, а спасувачите продолжуваат со напорите за пронаоѓање на исчезнатите лица. Макрон рече дека ја продолжил посетата во знак на почит.

Тој вети дека ќе испрати повеќе помош и додаде дека Франција го прогласи понеделникот за национален ден на жалост. Француските власти објавија дека најмалку 31 лице загинало, но се очекува бројот на жртвите да биде многу поголем, а илјадници се уште се водат како исчезнати.

Голем дел од архипелагот се уште е без електрична енергија.

Facebook
Twitter
LinkedIn
Telegram
WhatsApp
OK