Битола добива професионално лизгалиште – средба со новинарите за најавата на годинешната Зимска приказна

Денес, заедно со директорот на ЈП „Паркинзи на Општина Битола“, одржавме средба со новинарите на која го најавивме еден од највозбудливите сегменти на годинешната Зимска приказна – професионално лизгалиште на плоштадот Магнолија.

Од 20 декември до 6 јануари, срцето на Битола ќе биде место на зимска магија, радост и заедништво за сите генерации. Лизгалиштето ќе биде отворено за сите граѓани и посетители, додека подготовките за негово поставување започнуваат веќе овој викенд.

Во текот на подготовките, просторот на плоштадот ќе биде привремено адаптиран. Ги замолуваме граѓаните за разбирање, бидејќи заеднички ја создаваме празничната атмосфера која ќе ја претвори Битола во уште поголема туристичка атракција.

Особена благодарност до битолските компании кои ја поддржаа реализацијата на овој проект и на годинешната Зимска приказна, која од година во година ја надминува локалната димензија и ја промовира Битола како празнична дестинација.

Со овој проект уште еднаш покажуваме дека празниците живеат во Битола на Зимска приказна.

#ЗимскаПриказна #БитолаЛизгалиште #ПразницитеЖивеатВоБитола #Битола #ЗимскаМагија