Педесет и три сателити од Русија и од странско производство беа успешно лансирани рано утринава од космодромот Восточни во областа Амур на рускиот Далечен Исток, соопшти руската вселенска агенција Роскосмос.

Во соопштението се наведува дека ова е рекорд и дека во орбитата успешно се лансирани 49 руски, еден руско-кинески, еден руско-зимбабве и два ирански сателити, пренесе ТАСС.

Амбасадорот на Иран во Москва, Казем Џалали, во понеделникот објави дека Русија денеска ќе лансира два ирански сателити во орбитата со помош на ракета Сојуз.