кој за прв пат ќе се одржи во Македонија на 2-3 октомври 2024 година во хотелот Мериот, Плоштад Македонија 7, Скопје.

Форумот го организира Здружението на жени менаџери ЕЛИТ, Скопје и Г100 Крилото за комуникација, застапување и медијација за Македонија, под глобалната франшиза на Women Economic Forum (WEF) и мисијата Г100 Милион (повеќе информации на https://www.g100.in/  и https://www.wef.org.in/ ).

Овој високопрофилиран Форум, има за цел да ја унапреди позицијата на жените во современото општество, особено во делот на економското јакнење, намалување на родовите нееднаквости и поттикнување женско лидерство. На  Форумот ќе учествуваат докажани моќни  лидерки и лидери од Португалија, Индија, Египет, Турција, Србија, Црна Гора, Косово, Хрватска, Словенија и Македонија. Учесниците ќе споделат и ќе добијат увид за родовите прашања во бизнисот и граѓанскиот сектор со акцент на улогата и моќта на жените во поддршката на STEM иницијативите, одржливиот развој на бизнисите преку ESG, зелени работни места како и соработка помеѓу академијата и бизнисите, но и преку активизам за женски права на мажите лидери.

Форумот ќе привлече повеќе од 250 лидери, претприемачи, активисти, истражувачи и академици, што претставува ретка можност за вмрежување. Во прилог е целосно потврдената Програма за настанот.